અત્યારના સમયમાં સ્થૂળતા સૌથી ગંભીર સમસ્યા બની રહી છે. મેદસ્વીપણા વિશે વાત કરીએ તો સ્થૂળતા માં ભારત બીજા સ્થાને આવે છે. જ્યાં લગભગ 47 ટકા વસ્તી મેદસ્વી છે. ઘણાં લોકોને આનુવંશિક રીતે આ સમસ્યા મળે છે. કેટલાક લોકો ખરાબ જીવનશૈલી અને અવ્યવસ્થિત ખાનપાનને કારણે મેદસ્વીપણાનો શિકાર થવા લાગે છે. ત્યારબાદ તેઓ વજન ઘટાડવા માટે જીમ અથવા ખોરાકનો સહારો લે છે.
જીમ વજન ઘટાડવામાં મદદરૂપ થાય છે પરંતુ તેમાં સખત મહેનત કરવી પડે છે. જો તમે જીમ દ્વારા વજન ઓછું કરવા માંગો છો તો એ માટે સમય અને સમર્પણની આવશ્યકતા રહે છે. આ સાથે વજન ઓછું કરવામાં ધીરજની પણ જરૂર રહે છે કારણ કે જીમ કરવાથી વજન ધીમે ધીમે ઓછું થાય છે.
કેટલાક લોકો ડાયેટ કરીને વજન ઘટાડવાનો પ્રયાસ કરે છે. પરંતુ આહારની યોગ્ય રીત હોવી જોઈએ. કેટલાક લોકો ડૉક્ટરની સલાહ લીધા વિના પરેજી પાળવાનું શરૂ કરે છે. જે તેમના સ્વાસ્થ્યને અને શરીરને વધુ નુકસાન પહોંચાડે છે. જીમની જેમ ડાયેટ પણ વજન ઓછું કરવામાં સમય લે છે. કારણ કે તે ખૂબ ધીમી પ્રક્રિયા પણ છે.
આજે અમે વજન ઘટાડવાની એક અનોખી રીત લઈને આવ્યા છીએ. તમે આ ઉપાય વિશે પહેલાં ક્યારેય નહીં સાંભળ્યું હોય. આ સરળ ઉપાયથી તમે થોડા જ દિવસોમાં વજન ઘટાડી શકો છો. આ કરવા માટે તમારે ફક્ત એક જ સામગ્રીની જરૂર પડશે, અને એ છે જીરું. હકીકતમાં જીરું ઝીંક અને ફોસ્ફરસથી સમૃદ્ધ હોય છે. જે પાચનતંત્રને હીલિંગ દ્વારા વજન ઘટાડવામાં મદદરૂપ થાય છે.
સૌ પ્રથમ થોડું જીરું લો અને તેને મિક્સરમાં સારી રીતે પીસી લો. જીરુંનો પાઉડર તૈયાર થઈ જાય એટલે એક ગ્લાસ ગરમ પાણીમાં એક ચમચી જીરુંનો પાવડર અને અડધો લીંબુનો રસ નાખીને બરાબર મિક્ષ કરી લો. ધ્યાન રહે કે તમારે તેને ગરમ ગરમ પીવું પડશે. સવારે ખાલી પેટે તેનું સેવન કરવાથી ઉત્તમ પરિણામ મળે છે.