આમિર ખાન, અમિતાભ બચ્ચન, ગોવિંદા, નવાઝુદ્દીન સિદ્દીકી, અક્ષય કુમાર અને રિતેશ દેશમુખથી લઈને બોલિવૂડમાં ઘણા એવા સ્ટાર્સ છે જેમણે ફિલ્મોમાં સ્ત્રી પાત્રો ભજવ્યા છે. આ તમામ સ્ટાર્સના ફીમેલ લુક્સ જોઈને તમારા માટે પણ તેમને ઓળખવું મુશ્કેલ થઈ જશે.
ઈન્ડસ્ટ્રીમાં એવા ઘણા સ્ટાર્સ છે જેઓ પોતાના પાત્રો સાથે પ્રયોગ કરવામાં ક્યારેય શરમાતા નથી. પાત્ર ગમે તે હોય, આ સ્ટાર્સ તેને ખૂબ જ ઉત્સાહથી ભજવે છે. બોલિવૂડમાં કેટલાક એવા સ્ટાર્સ છે, જેમણે મોટા પડદા પર મહિલા બનીને ધૂમ મચાવી છે. આ યાદીમાં અમિતાભ બચ્ચન, આમિર ખાન, સલમાન ખાન, ગોવિંદા અને રિતેશ દેશમુખ જેવા મોટા સ્ટાર્સના નામ સામેલ છે.
નવાઝુદ્દીન સિદ્દીકી
અભિનેતા નવાઝુદ્દીન સિદ્દીકી ટૂંક સમયમાં ફિલ્મ ‘હડ્ડી’માં એક મહિલાની ભૂમિકામાં જોવા મળશે. તાજેતરમાં જ આ ફિલ્મનું પહેલું મોશન પોસ્ટર રિલીઝ કરવામાં આવ્યું છે, જેમાં નવાઝ ગ્લેમરસ સુંદરીઓ બનીને ચાહકોના હોશ ઉડાવી રહ્યો છે.
અમિતાભ બચ્ચન
ફિલ્મ ‘લાવારિસ’નું ગીત ‘મેરે આંગને’ કોને યાદ નથી. આ ગીતમાં અમિતાભ એક મહિલા તરીકે ડાન્સ કરતા જોવા મળ્યા હતા. આ ગીત સુપર હિટ રહ્યું હતું.
કમલ હાસન
1997માં આવેલી ફિલ્મ ચાચી 420માં કમલ હાસનના અભિનયએ સૌના દિલ જીતી લીધા હતા. આ ફિલ્મમાં કમલે ‘માસી’નો રોલ કર્યો હતો.
ગોવિંદા (આન્ટી નંબર 1)
ફિલ્મ ‘આંટી નંબર 1’માં ગોવિંદાએ મહિલા બનીને લોકોના હોશ ઉડાવી દીધા હતા. આ ફિલ્મમાં ગોવિંદાના આ લુકને ખૂબ પસંદ કરવામાં આવ્યો હતો.
અક્ષય કુમાર
‘ખિલાડી’ ફિલ્મના એક સીન માટે અક્ષય કુમાર સુંદર મહિલા બન્યો હતો. અભિનેતાના આ લુકના બધાએ વખાણ કર્યા અને ફિલ્મ બોક્સ ઓફિસ પર સુપરહિટ સાબિત થઈ.
આમિર ખાન
ફિલ્મ ‘બાજી’માં આમિર ખાને એક દબંગ પોલીસ અધિકારીની ભૂમિકા ભજવી હતી, જોકે ફિલ્મના એક સીન માટે આમિરે એક મહિલાનું રૂપ ધારણ કરવું પડ્યું હતું.
સલમાન ખાન
પ્રીતિ ઝિન્ટા, અક્ષય કુમાર અને સલમાન ખાન સ્ટારર ફિલ્મ ‘જાનેમન’માં સલમાન ખાન ગ્લેમરસ ગર્લના લૂકમાં જોવા મળ્યો હતો. સલમાનનો આ લુક જોઈને દર્શકો પણ આશ્ચર્યચકિત થઈ ગયા હતા.
રિતેશ દેશમુખ
ફિલ્મ ‘હમશકલ્સ’માં રિતેશ દેશમુખે મહિલા બનીને ચાહકોને ખૂબ ગલીપચી કરી હતી. તેનો અવતાર દર્શકોને ઘણો પસંદ આવ્યો હતો.
શ્રેયસ તલપડે
અભિનેતા શ્રેયસ તલપડેએ ફિલ્મ ‘પેઇંગ ગેસ્ટ’માં એક મહિલાની ભૂમિકા ભજવી હતી. આ ફિલ્મમાં તેની બહુમુખી અભિનયની ખૂબ પ્રશંસા કરવામાં આવી હતી.