મ્યુઝિક રિયલિટી શો ‘ઇન્ડિયન આઈડલ’ની 12મી સીઝનનો વિજેતા અને રાઈઝિંગ સ્ટાર પવનદીપ રાજન હવે કોઈ ઓળખાણનો મોહતાજ નથી. પવનદીપ રાજન પોતાના અવાજ અને ગાયકીથી લાખો લોકોના દિલ પર રાજ કરી રહ્યો છે. ઉત્તરાખંડના પવનદીપ રાજને શરૂઆત પહાડી ગીતોથી કરી અને પોતાના મધુર અવાજથી ફક્ત ઉત્તરાખંડ નહીં પણ આખા દેશને પોતાના અવાજથી ઘેલું લગાડયું છે.
27 જુલાઈ 1996ના રોજ ભારતના ઉત્તરાખંડ રાજ્યના ચંપાવત જિલ્લામાં જન્મેલા પવનદીપ રાજનને બાળપણથી જ ગાવાનો શોખ હતો. તે એન્ડ ટીવી ચેનલના જાણીતાં શો ‘ધ વોઇસ ઓફ ઇન્ડિયા’નો વિજેતા પણ રહી ચૂક્યો છે. ઇન્ડિયન આઈડલ 12 જીત્યા બાદ પવનદીપને ઘણાં પ્રોજેક્ટ્સ મળી રહ્યા છે. આજે પવનદીપે મહેનત કરીને પોતાની લાઈફ બદલી નાખી છે.
રિપોર્ટ્સ અનુસાર, ઇન્ડિયન આઈડલ જીત્યા બાદ પવનદીપની નેટ વર્થમાં વધારો થયો છે. પવનદીપ રાજન 1 મિલિયન ડોલર (7 કરોડ 38 લાખ રૂપિયા) થી 2 મિલિયન ડોલર (14 કરોડ 76 લાખ રૂપિયા) જેટલી સંપત્તિ ધરાવે છે. એક રિપોર્ટ્સ અનુસાર તેની સેલેરી 10-20 લાખ રૂપિયા છે અને તે રોયલ લાઈફસ્ટાઈલ જીવે છે.
એટલું જ નહીં, તેની પાસે Mahindra XUV 500 જેવી લક્ઝરી કાર પણ છે. ઉલ્લેખનીય છે કે, પવનદીપની પ્રતિભા જોઈને ઉત્તરાખંડ સરકાર દ્વારા તેને 2016માં યુવા બ્રાન્ડ એમ્બેસેડર જાહેર કરવામાં આવ્યો હતો. પવનદીપ રાજન ઇન્ડિયન આઈડલ 12ની ફર્સ્ટ રનર-અપ અરુણિતા કાંજીલાલ સાથેની રિલેશનશિપને લઈને પણ ચર્ચામાં રહ્યો છે. તેઓ એકબીજાને ડેટ કરી રહ્યા છે તેવી અફવા ઉડી રહી છે.
તેમના ચાહકો કપલને #AruDeep કહીને સંબોધે છે. તેઓ જ્યારે એક કોન્સર્ટ માટે ગયા હતા ત્યારે પહાડીઓમાંથી તેમણે લીધેલો ફોટો પણ વાયરલ થયો હતો. આ બંને કલાકારોને ઇન્ડિયન આઈડલના જજ હિમેશ રેશમિયા સાથે કામ કરવાનો મોકો મળ્યો છે.
તો પોપ્યુલર ટીવી શો ‘બડે અચ્છે લગતે હૈ 2’માં પણ તેઓ રામ અને પ્રિયાની સંગીત સેરેમનીમાં ધમાકેદાર પર્ફોર્મન્સ આપવાના છે. અન્ય એક રિપોર્ટ મુજબ, પવનદીપ અને અરુણિતાને કરણ જોહરના ધર્મા પ્રોડક્શન્સ દ્વારા રેકોર્ડિંગ એસાઇનમેન્ટ મળ્યું છે. જોકે, આ બાબતે સત્તાવાર રીતે જાહેરાત થઈ નથી.