નાની ઉંમરમાં જ મલાઈકાને પૈસા કમાવવાની લાગી હતી લત, પરિવારની વિરુદ્ધ જઈને કરવાનું શરૂ કર્યું હતું આ કામ…

બોલિવૂડની ‘ફિટનેસ ક્વીન’ કહેવાતી મલાઈકા અરોરાને આજે કોઈ ઓળખની જરૂર નથી. 23 ઓક્ટોબર 1973ના રોજ મુંબઈમાં જન્મેલી મલાઈકાએ પોતાના કરિયરની શરૂઆત મોડલ તરીકે કરી હતી. કહેવાય છે કે જ્યારે મલાઈકાએ મોડલિંગ કરવાનું નક્કી કર્યું ત્યારે તેનો પરિવાર સંપૂર્ણ રીતે ચોંકી ગયો હતો. મલાઈકાએ ખૂબ જ નાની ઉંમરમાં મોડલિંગ શરૂ કર્યું હતું અને આજે તે બોલિવૂડની ટોચની અભિનેત્રીઓમાં સામેલ છે.

એક ઈન્ટરવ્યુ દરમિયાન મલાઈકાએ ખુલાસો કર્યો કે કેવી રીતે તેણે નાની ઉંમરમાં મોડલિંગ શરૂ કર્યું અને તેનો પરિવાર તેના માટે બિલકુલ તૈયાર નહોતો. આવી સ્થિતિમાં તેમના માટે અહીં પહોંચવું પડકારોથી ભરેલું હતું.



મલાઈકાએ કહ્યું, “હું કોઈ અપેક્ષા વગર આવી, મને લાગ્યું કે પોકેટ મની કમાવવાની આ એક સારી તક છે. મને કલ્પના નહોતી કે આખરે આ મારી કારકિર્દી બની જશે. તે સારી વાત છે કે ત્યારથી ઉદ્યોગમાં ઘણો બદલાવ આવ્યો છે. હવે ઘણી છોકરીઓ પોતાના કરિયર તરીકે મોડલિંગને પસંદ કરી રહી છે.” આ સિવાય મલાઈકાએ જણાવ્યું કે, શરૂઆતમાં તેના પરિવારના સભ્યોએ મનાઈ કરી હતી, જોકે બાદમાં તેને પરિવારનો પૂરો સાથ મળ્યો.



તમને જણાવી દઈએ કે, થોડા દિવસો પહેલા મલાઈકા અરોરા પણ નેહા ધૂપિયાના ચેટ શોમાં ગેસ્ટ તરીકે પહોંચી હતી. આ દરમિયાન મલાઈકાએ તેના અંગત જીવન વિશે ઘણા ખુલાસા કર્યા. તેણે કહ્યું હતું કે કરિયરના શરૂઆતના તબક્કામાં તેના કાળા રંગને લઈને જોક્સ બનાવવામાં આવ્યા હતા, લોકો તેની ખૂબ મજાક ઉડાવતા હતા. આ સિવાય ઈન્ડસ્ટ્રીમાં પણ તેની સાથે ભેદભાવ કરવામાં આવ્યો હતો.

મલાઈકાએ જણાવ્યું હતું કે તેણે પ્રેગ્નન્સી પહેલા કામ કરવાનું બંધ કર્યું ન હતું અને પુત્રને જન્મ આપ્યાના 40 દિવસ બાદ જ કામ પર પરત ફરી હતી.



તમને જણાવી દઈએ કે, મલાઈકા અરોરા પહેલીવાર ‘ગુડ નાલ ઈશ્ક મીઠા આલ્બમ’માં જોવા મળી હતી. આ પછી તે સુપરસ્ટાર શાહરૂખ ખાનની ફિલ્મ ‘દિલ સે’ના સુપરહિટ ગીત ‘છૈયા છૈયા’માં જોવા મળી અને આ ગીતે તેને ઘણી સફળતા અપાવી. આ ગીત દ્વારા મલાઈકા રાતોરાત સુપરસ્ટાર બની ગઈ અને તેને ઘણી મોટી ફિલ્મોમાં કામ કરવાની ઓફર મળવા લાગી.

મલાઈકા આજે બોલિવૂડની સૌથી વધુ કમાણી કરતી આઈટમ ગર્લ છે. એક રિપોર્ટ અનુસાર, મલાઈકા આઈટમ નંબર કરવા માટે 1 કરોડ રૂપિયાથી વધુ ફી લે છે.



મલાઈકા અરોરાની ફિટનેસની વાત કરીએ તો તે આજે પણ નવી હિરોઈન સાથે સ્પર્ધા કરે છે. પોતાની ફિટનેસ અને સુંદરતાના કારણે મલાઈકા દરરોજ હેડલાઈન્સમાં રહે છે. મલાઈકા અરોરા આજે બોલિવૂડની ફેશન દિવા છે અને લાખો લોકો તેને ફોલો કરે છે અને ઘણા લોકો તેની ફિટનેસથી પ્રેરિત પણ છે. મલાઈકા અરોરા સોશિયલ મીડિયા પર ઘણી એક્ટિવ રહે છે અને અવારનવાર પોતાની તસવીરો શેર કરતી રહે છે.



જો મલાઈકાના અંગત જીવનની વાત કરીએ તો આ દિવસોમાં તે પ્રખ્યાત અભિનેતા અર્જુન કપૂરને ડેટ કરી રહી છે. આ બંને સ્ટાર્સ દરરોજ સાથે જોવા મળે છે. નોંધનીય છે કે આ પહેલા મલાઈકા અરોરાએ અભિનેતા અરબાઝ ખાન સાથે લગ્ન કર્યા હતા, જો કે કોઈ કારણસર બંનેના છૂટાછેડા થઈ ગયા હતા. અરબાઝ અને મલાઈકાને એક પુત્ર પણ છે.