રાજસ્થાનના ઉદયપુરમાં એક ટુરિસ્ટ કપલ સાથે થયું એવું કે જાણીને તમે પણ ચોકી જશો…

જયારે જયારે પણ આપણે કયાંય ફરવા જવું હોય તો યોજનાઓ બનાવતા હોઈએ છીએ અને જે સ્થળે પણ ફરવા જવાનુ છે ત્યાં શુ જોવાલાયક છે અને તે સ્થળની શું વિશેષતા છે તે બધુ જાણી વિચારીને પછી જ ફરવા જઇએ છીએ. પરંતુ વિચાર કરો કે કોઈ ટુરિસ્ટ સાથે એવી ઘટના બની જાય જેના વિશે તેણે કયારેય વિચાર્યુ ન હોય તો ? આવો જ એક વીડિયો ઉદયપુરથી સામે આવ્યો છેે.

ઉદયપુરમાં સરેઆમ એક ટુરિસ્ટ સાથે લૂંટની ઘટના બની છે. વીડિયોએ સોશિયલ મીડિયા પર સનસની ફેલાવી દીધી છે. લોકો આ વીડિયો જોઇ હેરાન રહી ગયા છે. એવું કહેવામાં આવી રહ્યુ છે કે આ બનાવ ઉદયપુરનો છે. અહીના અંબામાતા પોલિસ સ્ટેશન વિસ્તાર માં આવું થયું છે.



શુક્રવારે મોડી સાંજે બદમાશોએ કારમાં સવાર યુવક અને યુવતિને પહેલા રોક્યા અને પછી તેમના મોબાઇલ, ઘડીયાળ સહિત અનેક કિંમતી સામાન લૂંટી લીધો હતો. વાયરલ થઈ રહેલા વીડિયોમાં જોઈ શકાય છે કે ગુંડાઓ ચપ્પુની અણી પર તેમનો સામાન લૂંટી રહ્યા છે. ગાડી પાસે એક છોકરો ઊભો છે અને પાછળથી અવાજ આવી રહ્યો છે. ગુંડાઓએ સામાન તો લઇ લીધો પરંતુ સાથે સાથે ગાડીની ચાવી પણ પડાવી લીધી.



આ વીડિયોને લક્ષ્મીકાંત ભારદ્વાજ નામના યુઝરે ટ્વિટર એકાઉન્ટ પર શેર કર્યો છે. કેપ્શનમાં તેણે લખ્યુ છે કે, આ આજનું રાજસ્થાન છે. સરેઆમ ચપ્પુની અણી પર આરોપીઓ કોઇ પણ જાતના ડર વગર લૂંટ કરી રહ્યા છે. આ બેશરમ ઘટના ઉદયપુરની છે. પરંતુ આપણને શરમ નહિ આવે.



નોંધનીય છે કે આ ઘટના પર ઉદપુર પોલિસ દ્વારા ટ્વીટ પણ કરવામાં આવ્યું છે. તેમણે લખ્યુ છે કે, આ ઘટના સંબંધમાં પોલિસ થાણા અંબામાતામાં પ્રકરણ સંખ્યા 271/21 માં કેસ દાખલ કરી આરોપીઓની શોધ કરવામાં આવી રહી છે.