આમિર ખાનની ફિલ્મ લાલ સિંહ ચઢ્ઢા 11 ઓગસ્ટે રિલીઝ થવાની છે. સોશિયલ મીડિયા પર ફિલ્મનો બહિષ્કાર કરવાની માંગ કરવામાં આવી રહી છે. આમિર ખાનના જૂના નિવેદનોને કારણે લોકો આ ફિલ્મનો વિરોધ કરી રહ્યા છે. પરંતુ આમિર ખાનના ફેન્સ અને ઘણા સેલેબ્સ આ ફિલ્મને સપોર્ટ કરી રહ્યા છે. વિવાદોના આ વંટોળ વચ્ચે, ફિલ્મનો પહેલો રિવ્યૂ આવી ચૂક્યો છે.
આમિર ખાનની લગાનના ડિરેક્ટર આશુતોષ ગોવારિકર અને ઓવરસીઝ સેન્સર બોર્ડના સભ્ય ઉમૈર સંધુએ ફિલ્મનો રિવ્યુ આપ્યો છે. તાજેતરમાં આમિર ખાને પોતાની ફિલ્મ ઘણા સેલેબ્સને બતાવી હતી. સ્વદેશ અને લગાન જેવી ફિલ્મોના દિગ્દર્શક આશુતોષ ગોવારીકરે રવિવારે ટ્વિટર પર લાલ સિંહ ચઢ્ઢાની પ્રશંસા કરી હતી. તેણે ફિલ્મને પાંચ સ્ટાર આપ્યા છે.
5 sta… no…
5 GOLGAPPAS for #LaalSinghChaddha !!LOVED the film AND – Aamir & Kareena's performances, Atul's script adaptation, and Advait's direction!!
CONGRATS to the entire Cast & Crew for a creating a NOBLE FILM!@AKPPL_Official @AndhareAjit @Viacom18Studios @TSeries pic.twitter.com/jBfvlAOlBD
— Ashutosh Gowariker (@AshGowariker) August 6, 2022
આશુતોષ ગોવારીકરે લખ્યું કે, ‘લાલ સિંહ ચઢ્ઢા 5 સ્ટાર, નંબર 5 ગોલગપ્પા. ફિલ્મ સાથે આમિર અને કરીનાની એક્ટિંગ, અતુલની સ્ક્રિપ્ટ અને અદ્વૈતનું ડિરેક્શન બધું જ સારું હતું. ફિલ્મને એક શાનદાર ફિલ્મ બનાવવા માટે ફિલ્મની સમગ્ર કાસ્ટ અને ક્રૂને શુભેચ્છા. આ સાથે આમિરની ફિલ્મની કેટલીક તસવીરો પણ શેર કરવામાં આવી છે.
આશુતોષ ગોવારિકર પહેલા ઓવરસીઝ સેન્સર બોર્ડના સભ્ય ઉમૈર સંધુએ પણ આમિર ખાન અને કરીના કપૂર ખાનની ફિલ્મનો રિવ્યુ આપ્યો છે. તેણે ફિલ્મને ચાર સ્ટાર આપ્યા છે. ઉમૈર સંધે ટ્વિટર પર લખ્યું કે ‘લાલ સિંહ ચઢ્ઢાનો પહેલો રિવ્યૂ. કરીના કપૂર ખાને લાઈમલાઈટ ચોરી લીધી છે. તે શાનદાર ફોર્મમાં છે. નાગા ચૈતન્યનું પ્રદર્શન જોવા જેવું છે. મોના સિંહે પણ સફળતાપૂર્વક ભાવનાને પડદા પર દર્શાવી છે. ફિલ્મની સ્ક્રિપ્ટ તમને જકડી રાખે છે. સ્ક્રિપ્ટ અને વાર્તા તમને તાળીઓ પાડવાની ઘણી તકો આપશે.
First Review #LaalSinghChaddha ! #KareenaKapoorKhan Stole the Show. She is in Terrific form. #NagaChaitanya is an actor to watch out for. #MonaSingh displaying the varied emotions seamlessly. Engaging Story & Screenplay, Clap Worthy Moments.#AamirKhan is Back with Bang. ⭐️⭐️⭐️⭐️
— Umair Sandhu (@UmairSandu) August 6, 2022
તમને જણાવી દઈએ કે લાલ સિંહ ચઢ્ઢા હોલીવુડની કલ્ટ ક્લાસિક ફિલ્મ ફોરેસ્ટ ગમ્પની હિન્દી રીમેક છે. ટોમ હેન્ક્સની ફિલ્મે છ ઓસ્કર જીત્યા હતા. લાલ સિંહ ચઢ્ઢાને આમિર ખાન પ્રોડક્શન્સ, કિરણ રાવ અને વાયાકોમ 18ના બેનર હેઠળ બનાવવામાં આવે છે. આ ફિલ્મમાં સાઉથના સુપરસ્ટાર નાગાર્જુનના પુત્ર નાગા ચૈતન્યએ પણ કામ કર્યું છે. આ ફિલ્મ 11મી ઓગસ્ટે સિનેમાઘરોમાં આવવાની તૈયારીમાં છે.