રેખા 67 વર્ષની થઈ ગઈ છે. 10 ઓક્ટોબર, 1954 ના રોજ મદ્રાસ (ચેન્નઈ) માં જન્મેલી રેખાએ બાળ કલાકાર તરીકેની કારકિર્દીની શરૂઆત કરી હતી. રેખાએ માત્ર 4 વર્ષની ઉંમરે તેલુગુ ફિલ્મ ‘ઇન્ટી ગટ્ટુ’માં કામ કર્યું હતું. તે જ સમયે, તેની પ્રથમ બોલિવૂડ ફિલ્મ ‘અંજાના સફર’ હતી જે 1969 માં રિલીઝ થઈ હતી. જોકે, સેન્સરશીપના કારણે આ ફિલ્મ 10 વર્ષ પછી રિલીઝ થઈ હતી. અહેવાલો અનુસાર, જ્યારે રેખા માત્ર 15 વર્ષની હતી, ત્યારે તેણે ફિલ્મ ‘અંજાના સફર’નું શૂટિંગ શરૂ કર્યું. કહેવાય છે કે આ ફિલ્મના અભિનેતાએ એક દ્રશ્યમાં રેખાને બળજબરીથી કિસ કરી હતી.
ફિલ્મ ‘અનજાના સફર’ના શૂટિંગ દરમિયાન તેમના સહ-અભિનેતા બિશ્વજિત હતા. એક સીનમાં તેણે રેખાને કિસ કરવાની હતી, પરંતુ તે લગભગ 5 મિનિટ સુધી રેખાને બળજબરીથી કિસ કરતો રહ્યો. તેની સાથે બનેલી આ ઘટનાને કારણે રેખા સેટ પર જ રડી પડી હતી.
ખરેખર, રેખા માટે આ ક્ષણ કોઈ જાતીય સતામણીથી ઓછી નહોતી. કારણ કે તેને જાણ કર્યા વગર એક અભિનેતા 5 મિનિટ સુધી કિસ કરી રહ્યો હતો. યાસર ઉસ્માનના પુસ્તક રેખા: ધ અનટોલ્ડ સ્ટોરીમાં પણ આનો ઉલ્લેખ છે.
ફિલ્મ ‘અનજાના સફર’ દરમિયાન રેખા 15 વર્ષની હતી. આ ફિલ્મમાં રેખા અને વિશ્વજીતે એક રોમેન્ટિક ગીત માટે કિસિંગ સીન કરવાનો હતો, જેના વિશે મેકર્સે રેખા સાથે વાત કરી ન હતી. એકંદરે, રેખાને આ દ્રશ્ય વિશે બિલકુલ જાણ નહોતી.
અહેવાલો અનુસાર, રેખાને હેરાન કરવા માટે આ સીન જાણી જોઈને રાખવામાં આવ્યો હતો. જો કે, બધું તૈયાર હતું અને આ પછી, ડિરેક્ટર રાજા નવાથે એક્શન લીધું અને અભિનેતા વિશ્વજીતે રેખાને કિસ કરવાનું શરૂ કર્યું. આ રીતે તે લગભગ 5 મિનિટ સુધી રેખાને કિસ કરતો રહ્યો.
વિશ્વજીતે રેખાને કિસ કરવાનું શરૂ કર્યું, તે ચોંકી ગઈ. કેમેરો ફરતો રહ્યો પણ આ સમય દરમિયાન ન તો ડિરેક્ટરે કટ કહ્યું અને ન તો વિશ્વજીતે રેખાને કિસ કરવાનું બંધ કર્યું. આ દરમિયાન રેખાની આંખો બંધ હતી. પણ તે આંખોમાંથી આંસુ સ્પષ્ટ દેખાતા હતા. આ કિસિંગ સીન બાદ રેખા રડી રહી હતી. પરંતુ ત્યાં હાજર લોકોએ તાળીઓ પાડી હતી.
સેન્સર બોર્ડે પણ આ દ્રશ્ય સામે વાંધો ઉઠાવ્યો હતો. આ બાબતનો વિવાદ એટલો વધી ગયો હતો કે અમેરિકાના ‘લાઇફ મેગેઝિને’ તેના પર એક કવર સ્ટોરી પ્રકાશિત કરી, જેનું શીર્ષક હતું – ‘ધ કિસિંગ ક્રાઇસીસ ઓફ ઇન્ડિયા’.
તમને જણાવી દઈએ કે બાદમાં વિશ્વજીતે આ કિસિંગ સીન પર સ્પષ્ટતા કરી હતી અને કહ્યું હતું કે આમાં તેની ભૂલ નથી. તેમણે આ બધું ડિરેક્ટર રાજા નવાથેના કહેવા પર કર્યું. તેણે કહ્યું હતું કે તે આનંદ માટે નથી, પરંતુ તે ફિલ્મ માટે જરૂરી છે. જોકે, તે સમયે છેતરપિંડી થઈ હોવાથી રેખા ગુસ્સે થઈ હતી.