દિગ્દર્શક વિવેક અગ્નિહોત્રીની “ધ કશ્મીર ફાઇલ્સ” 11 માર્ચે સિનેમાઘરોમાં રિલીઝ થઈ હતી. કશ્મીરી પંડિતોની હિજરત પર બનેલી આ ફિલ્મ રિલીઝ થતાની સાથે જ સોશિયલ મીડિયા પર ચર્ચાનો વિષય બની જાય છે. ભલે આ ફિલ્મને વધારે પ્રમોશન મળ્યું ન હતું, પરંતુ તેમ છતાં આ ફિલ્મ સફળ સાબિત થઈ રહી છે અને ફિલ્મ બોક્સ ઓફિસ પર પણ સારી કમાણી કરી રહી છે.
આ દરમિયાન ‘ધ કશ્મીર ફાઇલ્સ’ માટે પ્રખ્યાત કોમેડિયન કપિલ શર્માને લોકોના ગુસ્સાનો સામનો કરવો પડ્યો હતો. જણાવી દઈએ કે, હાલમાં જ ‘ધ કશ્મીર ફાઇલ્સ’ના ડાયરેક્ટર વિવેક અગ્નિહોત્રીએ એક ટ્વીટમાં આ વાતનો ઉલ્લેખ કરતા કહ્યું હતું કે આ ફિલ્મમાં કોઈ મોટો સ્ટાર નથી, તેથી તેને શોમાં બોલાવવામાં આવ્યો નથી.
ડાયરેક્ટરનું આ ટ્વિટ સામે આવતા જ કપિલ શર્મા અને તેના શો પર લોકોનો ગુસ્સો ફાટી નીકળ્યો હતો અને સોશિયલ મીડિયા પ્લેટફોર્મ પર કપિલ શર્માના શોનો બહિષ્કાર કરવાની માંગ શરૂ થઈ ગઈ હતી. ત્યારે કોમેડિયન કપિલ શર્માએ લોકોને અપીલ કરી છે કે તેઓ એકતરફી વાર્તા પર વિશ્વાસ ન કરે. હવે આ વિવાદાસ્પદ મુદ્દા પર અનુપમ ખેરનું નિવેદન પણ સામે આવ્યું છે. તેણે કહ્યું છે કે શા માટે તે “ધ કપિલ શર્મા શો” પર તેની ફિલ્મનું પ્રમોશન કરવા માંગતો ન હતો.
તેથી જ ‘ધ કપિલ શર્મા’ શોમાં ‘ધ કાશ્મીર ફાઇલ્સ’નું પ્રમોશન થયું નથી
વાસ્તવમાં અનુપમ ખેરે એક ઈન્ટરવ્યુ દરમિયાન સત્ય કહ્યું હતું કે તેણે કપિલ શર્મા શોમાં પોતાની ફિલ્મનું પ્રમોશન કેમ ન કર્યું? અભિનેતા અનુપમ ખેરે ઇન્ટરવ્યુ દરમિયાન ખુલાસો કર્યો હતો કે તે કપિલ શર્મા શો પર તેની ફિલ્મનું પ્રમોશન કરવા માંગતા નથી કારણ કે તે એક ગંભીર ફિલ્મ છે અને ધ કપિલ શર્મા શો એક કોમેડી શો છે. તમને જણાવી દઈએ કે ફિલ્મ “ધ કશ્મીર ફાઇલ્સ”માં ઘાટીમાં કાશ્મીરી પંડિતો પર થતા અત્યાચારને બતાવવામાં આવ્યા છે.
ઇન્ટરવ્યુ દરમિયાન, અનુપમ ખેરે વધુમાં જણાવ્યું હતું કે “ધ કશ્મીર ફાઇલ્સ” ની ટીમને બે મહિના પહેલા શોમાં હાજર થવા માટે કહેવામાં આવ્યું હતું. પરંતુ મેં મારા મેનેજર હરમનને કહ્યું કે “ફિલ્મ ખૂબ જ ગંભીર મુદ્દા પર આધારિત છે તેથી હું શોમાં જઈ શકીશ નહીં.” અનુપમ ખેરે કહ્યું કે, “અમે કોમેડી ટોક શોમાં ‘ધ કાશ્મીર ફાઇલ્સ’ને પ્રમોટ કરવાની ના પાડી દીધી હતી.”
કપિલ શર્માએ અનુપમ ખેરની ઈન્ટરવ્યુ ક્લિપ શેર કરીને આ લખ્યું છે
Thank you paji @AnupamPKher for clarifying all the false allegations against me ❤️? और उन सब दोस्तों का भी शुक्रिया जिन्होंने बिना सच जाने मुझे इतनी मोहब्बत दी ? खुश रहिए, मुस्कुराते रहिये ? #thekapilsharmashow #Isupportmyself ? pic.twitter.com/hMxiIy9W8x
— Kapil Sharma (@KapilSharmaK9) March 14, 2022
તમને જણાવી દઈએ કે ‘ધ કશ્મીર ફાઇલ્સ’ને કારણે કપિલ શર્મા છેલ્લા કેટલાક દિવસોથી સતત વિવાદોમાં છે. સોશિયલ મીડિયા પર તેનો અને તેના શો ધ કપિલ શર્માનો બહિષ્કાર કરવાની માંગ થઈ રહી છે. #BycottKapilSharmaShow ટ્વિટર પર ઘણો ટ્રેન્ડ કરી રહ્યો છે. કપિલ શર્મા લોકોના રોષનો ખરાબ રીતે સામનો કરી રહ્યો છે. આ દરમિયાન કપિલ શર્માએ અનુપમ ખેરની એક ઈન્ટરવ્યુ ક્લિપ શેર કરી હતી.
વિડિયો ક્લિપ શેર કરતાં કપિલ શર્માએ લખ્યું કે, “મારી સામેના તમામ ખોટા આરોપોની સ્પષ્ટતા કરવા બદલ પાજી (અનુપમ ખેર) અને તે બધા મિત્રોનો પણ આભાર જેમણે મને સત્ય જાણ્યા વિના આટલો પ્રેમ આપ્યો. ખુશ રહો, હસતા રહો.”