‘લગાન’થી લઈને ‘મધર ઈન્ડિયા’ સુધી, ઓસ્કર માટે નોમિનેટ થઈ ચૂકી છે બોલિવૂડની આ 5 ફિલ્મો…

ભારતમાં દર વર્ષે શાનદાર ફિલ્મો બને છે, પરંતુ ભાગ્યે જ કોઈ ફિલ્મ ઓસ્કાર એવોર્ડ માટે નોમિનેટ થાય છે. ‘લગાન’ અને ‘મધર ઈન્ડિયા’ સહિત કેટલીક બોલિવૂડ ફિલ્મો છે જેને ઓસ્કાર એવોર્ડ માટે નોમિનેટ કરવામાં આવી છે. આવો, આજે આવી જ કેટલીક ફિલ્મો અને તેના ઓસ્કાર નોમિનેશન વિશે વિગતે જાણીએ.

ભારતીય ફિલ્મ ઉદ્યોગે છેલ્લા કેટલાક વર્ષોમાં તેનો વ્યાપ વિસ્તાર્યો છે. ફિલ્મોમાં ઉત્કૃષ્ટ સામગ્રી જોવા મળી છે, જેની પ્રશંસા માત્ર ભારતમાં જ નહીં, પરંતુ વિશ્વભરના પ્રેક્ષકોએ તેની નોંધ લીધી છે. આ વર્ષે ‘રાઈટીંગ વિથ ફાયર’ને 94મા એકેડેમી એવોર્ડ્સમાં બેસ્ટ ડોક્યુમેન્ટરી ફીચર કેટેગરીમાં નોમિનેટ કરવામાં આવી છે. એવોર્ડ ફંક્શન પહેલા, અમે અહીં બોલીવુડની પાંચ ફિલ્મો પર એક નજર કરીએ જે ઓસ્કાર માટે નોમિનેટ થઈ હતી.

મધર ઈન્ડિયા



સુનીલ દત્ત અને નરગીસ અભિનીત ‘મધર ઈન્ડિયા’ બોલિવૂડની કલ્ટ ક્લાસિક્સમાંની એક છે. કહેવાય છે કે આ ફિલ્મ તેના સમયની બોલિવૂડની સૌથી મોંઘી ફિલ્મોમાંથી એક હતી. મીડિયા રિપોર્ટ્સ અનુસાર, ‘મુગલ-એ-આઝમ’ રિલીઝ પહેલા, તે બોક્સ ઓફિસ પર સૌથી વધુ કમાણી કરનારી ફિલ્મોમાંની એક હતી. મહેબૂબ ખાન દ્વારા દિગ્દર્શિત આ ફિલ્મ શ્રેષ્ઠ વિદેશી ભાષાની ફિલ્મ શ્રેણીમાં નોમિનેટ થઈ હતી.

સલામ બોમ્બે



આ ફિલ્મ 1989માં બેસ્ટ ફોરેન ફિલ્મ કેટેગરીમાં નોમિનેટ થઈ હતી. આ ફિલ્મનું નિર્દેશન મીરા નાયર દ્વારા કરવામાં આવ્યું હતું. આ ફિલ્મમાં ભારતની ઝૂંપડપટ્ટીમાં ડ્રગ્સ, વેશ્યાવૃત્તિ અને બાળ મજૂરીની અંધકારમય દુનિયાની ઝલક આપવામાં આવી હતી.

લગાન



આશુતોષ ગોવારીકરની ફિલ્મ ‘લગાન’ આજે પણ બોલિવૂડ ચાહકોમાં સૌથી વધુ ફેમસ છે. આ ફિલ્મ ગામડાના લોકોના એક નાના જૂથ વિશે છે જેઓ બ્રિટિશ શાસકોને ક્રિકેટ ચેમ્પિયનશિપ માટે પડકાર આપે છે. આમાં આમિર ખાન અને ગ્રેસી સિંહે મુખ્ય ભૂમિકા ભજવી હતી. આ ફિલ્મ બેસ્ટ ફોરેન લેંગ્વેજ ફિલ્મ કેટેગરીમાં નોમિનેટ થઈ હતી.

ધ વ્હાઇટ ટાઇગર



ફિલ્મ ‘ધ વ્હાઇટ ટાઇગર’માં પ્રિયંકા ચોપરા, રાજકુમાર રાવ અને આદર્શ ગૌરવ મુખ્ય ભૂમિકામાં હતા. આ ફિલ્મ એક મહત્વાકાંક્ષી ભારતીય ડ્રાઈવર વિશે છે જે ગરીબીમાંથી બચવા અને ટોચ પર પહોંચવા માટે પોતાના મગજનો ઉપયોગ કરે છે. ‘ધ વ્હાઇટ ટાઇગર’ને બેસ્ટ એડેપ્ટેડ સ્ક્રીનપ્લે કેટેગરીમાં નોમિનેટ કરવામાં આવી હતી.

લિટલ ટેરરિસ્ટ



ફેશન ડિઝાઈનર રિતુ કુમારના પુત્ર અશ્વિન કુમારની શોર્ટ ફિલ્મ ‘લિટલ ટેરરિસ્ટ’ને એકેડેમી એવોર્ડ્સમાં બેસ્ટ લાઈવ એક્શન શોર્ટ ફિલ્મ કેટેગરીમાં નોમિનેટ કરવામાં આવી હતી. આ ફિલ્મ અશ્વિને લખી, દિગ્દર્શિત અને નિર્માણ કરી હતી. આ ફિલ્મ એક 12 વર્ષીય પાકિસ્તાની મુસ્લિમ વિશે છે, જે ભૂલથી સરહદ પાર કરીને ભારતમાં આવે છે અને ભોલા, એક હિંદુ બ્રાહ્મણ સાથે મિત્રતા કરે છે.